Geguritan

Ora ngira

ora ngira aku ,

ora ngira babar pisan,

ageman kang mriyayeni,

pangandikan kang endah lan nengsemake,

tingkah polah kang mencutake.

ngilmu kang kaya kaya sundhul langit,

jebul kaya mangkono,

priyayi jenenge,

pejabat arane,

sinudarsana karepe.

ora ngira aku ,

ora ngira babar pisan,

jebul manungsa arane

ya mung arane,

yang mung agemane,

ya mung blegere.

ning dudu,

dudu manungsa isine,

ora ana manungsa kang kaya mangkono,

aku percaya dudu manungsa iku.

yen manungsa kudune ora kaya mangkono.

Dhuh Gusti Alloh.....

Panjenengan ngapunten kawula,

ingkang tansah nacad..............

Profil kawula

SUGENG RAWUH WONTEN BLOG KAWULA
BLOG INGKANG RAKARUWAN PUNIKA. NANGING KAWULA GADHAH ANCAS, ING TEMBE SAGEDA NAMBAHAI KEKANCAN LAN SESEREPAN

Kawula namung janma titah sawantah, ingkang kaleresan dipun paringi jejibahan dados guru basa Jawi wonten ing SMP Negeri 1 Ngasem Kab. Kediri. Mugia kawuningan kula punika putra Ibu Siti Aminah kaliyan Bp.Surateman, Ibu kawula punika putra saking eyang Jaya Gangsar. Jaya gangsar ingkang kaleresan putranipun eyang Ibrahim ingkang dados Putra mantunipun Ki. Dharmojoyo. Mila kawula suwun sinten kemawaon ingkang maos punika, menawi kaleresan putra wayahipun Dharmojoyo hambok inggiha makempal dateng blog kawula, mugi mugi saget ngempalaken balung pisah. Kawula percados kathah sedherek sedherek ingkang nyebar wonten ing tlatah Nuswantara punika , buyut - canggahipun Dharmojoyo Bendungan Nganjuk Jawatimur.